BUXORO DAVLAT UNIVERSITETI
V.I. ROMANOVSKIY NOMIDAGI MATEMATIKA INSTITUTI
BUXORO BO'LINMASI
A X B O R O T X A T I
Hurmatli hamkasblar!
Buxoro davlat universiteti V.I. Romanovskiy nomidagi matematika instituti Buxoro bo'linmasi bilan hamkorlikda 2025 yil 10-11-oktyabr kunlari "Matematik fizika va zamonaviy analizning turdosh masalalari" mavzusida o'tkazilayotgan Xalqaro miqyosdagi ilmiy konferensiya (oflayn va onlayn) ishida ishtirok etishga taklif etadi.
Ilmiy konferensiyaning maqsadi zamonaviy matematikaning – algebra, geometriya, matematik fizika, differensial tenglamalar, matematik analiz, hisoblash matematikasi va matematik modellashtirish, ehtimollar nazariyasi va matematik statistika, mexanika yo'nalishlardagi tadqiqotlarning hozirgi holati va istiqbollarini muhokama qilish, shuningdek, olingan ilmiy tadqiqotlar natijalarini amaliy jarayonlarda qo'llanilishlarini tahlil qilishdan iborat.
Konferensiyaning o'tkazish joyi: Buxoro davlat universiteti, Buxoro shahri, M.Iqbol ko'chasi, 11.
Konferensiyaning ishchi tillari: o'zbek, rus va ingliz.
KONFERENSIYA DASTURI
Konferensiyaning ilmiy dasturi quyidagi yo'nalishlarni o'z ichiga oladi: algebra, geometriya, matematik fizika, differensial tenglamalar, matematik analiz, hisoblash matematikasi va matematik modellashtirish, ehtimollar nazariyasi va matematik statistika, mexanika, matematika ta'limini rivojlantirish istiqbollari.
Konferensiya dasturi plenar ma'ruzalar (40 daqiqa), taklif etilgan olimlar taqdimotlari (30 daqiqa), qisqacha ma'ruzalar (15 daqiqa) va poster taqdimotlarini o'z ichiga oladi.
Konferensiya kunlari ishtirokchilar uchun ochiq osmon ostidagi muzey, Sharq gavhari nomini olgan – Buxoro bo'ylab ekskursiya tashkil etiladi, bunda ular shahar tarixiy yodgorliklari, betakror me'morchiligi va boy madaniy merosi bilan tanishish imkoniyatiga ega bo'ladilar.
Buxoro shahri o'zining sharqona go'zalligi bilan sayyohlarni maftun etadi. Shaharga kirganingizda, binolarining ulug'vorligi va qadimiy me'morchiligi tarix qo'yniga tushganlik hissini uyg'otadi. Moviy gumbazlar, masjid va minoralar uzoqdan ko'rinib turadi. Ko'plab obidalar bugungi kungacha o'zining asl qiyofasini saqlab qolgan.
KONFERENSIYA ASOSIY YO'NALISHLARI:
1. Zamonaviy algebra va geometriyaning dolzarb muammolari;
2. Matematik analiz va uning tadbiqlari;
3. Differensial tenglamalar, matematik fizikaning teskari va nokorrekt masalalari;
4. Kasr tartibli hisob va uning tadbiqlari;
5. Matematik modellashtirish va hisoblash usullari;
6. Ehtimollar nazariyasi va matematik statistika;
7. Mexanikaning zamonaviy masalalari;
8. Matematika ta'limini rivojlantirish istiqbollari.
ARIZA VA TEZISLARNI QABUL QILISH
Anjumanda ishtirok etishni xohlovchilar 2025-yil 10 sentyabrgacha o'z ma'ruza tezislarini tashkiliy qo'mitaga bukhmath2025@gmail.com elektron pochta orqali yuborishlari lozim.
KONFERENSIYA MATERIALLARINING NASHR QILINISHI
Anjuman tezislari to'plami mualliflarga elektron shaklda taqdim qilinadi.
Talablarga javob bermaydigan va kechikib topshirilgan tezislar anjuman materiallariga kiritilmaydi va muallifga qaytarilmaydi.
Tanlab olingan tezislarning kengaytirilgan shakli ilmiy maqola sifatida Scopus xalqaro ma'lumotlar bazasiga kiritilgan AIP Conference Proceedings va Buxoro ilmiy axboroti jurnalida nashr qilish uchun tavsiya qilinadi.
TASHKILIY TO'LOVLAR
Xorijiy ishtirokchilar uchun 50 AQSH dollari (to'lov O'zbekiston Respublikasi Markaziy bankining to'lov kunidagi rasmiy kursi bo'yicha so'mda qabul qilinadi), O'zbekistondan kelgan ishtirokchilar uchun 200 000 so'm, yosh olimlar uchun (35 yoshgacha) 100 000 so'm miqdorida ro'yxatdan o'tish yig'imi dasturdagi hisobot to'g'risida bildirishnoma olinganidan keyin to'lanadi. Ro'yxatdan o'tish to'loviga konferensiya davomida ishtirokchilarning turar joyi va ovqatlanishi kirmaydi. Ro'yxatdan o'tish to'lovini to'lash tartibi, shuningdek, ishtirokchilarni mehmonxonalarga joylashtirish tartibi qo'shimcha ravishda e'lon qilinadi.
ASOSIY MUDDATLAR
Ariza va tezislar: 2025-yil 10-sentyabrgacha qabul qilinadi.
Konferensiya dasturiga
kiritish haqida xabarnoma: 2025-yil 15 sentyabrgacha.
Konferensiya: 2025-yil 10-11 oktyabr.
TASHKILIY QO'MITA BILAN BOG'LANISH UCHUN MA'LUMOTLAR
Buxoro shahri, M.Iqbol ko'chasi, Buxoro davlat universiteti.
200118, Buxoro shahri, M.Iqbol, 11, Buxoro davlat universiteti.
Tel.: (+998) 65-221-30-46.
Elektron pochta:bukhmath2025@gmail.com
Telegram: https://t.me/conferense_bukh2025
Murojaat uchun telefon raqamlar:
+99893-455-79-24 (Z.R.Bozorov),
+99891-418-95-11 (E.B.Dilmurodov)
